Shu va shu kabi reklamalarni har yerda ko'rish mumkin. Bu nima o'zi? Bu post reklama emas, doimgidek shunchaki avtor fikri.
Barcha ma'lumotlar post yozilgan vaqtdagi ma'lumotlarga asoslangan holda yozilgan.
Birinchi bor butun umrga bepul telegram, butun umrga cheksiz tarif, 75000 so'mga bir oy cheksiz aloqa reklamasini ko'rganimda miyaga kelgan birinchi fikr - loxotron bo'ldi.
Lekin keyinroq reklamalar ko'payishni boshladi. Men shunchaki qiziqib ko'rdim va tushundimki bu loxotron bo'lishi juda qiyin. Xo'sh unda bu nima?
## Humans
Humans - virtual mobil operatori va u finanslar bilan ham ishlay oladi. Hozirda bularning deyarli hech biri faoliyatda emas, lekin yaqin kunlarda to'lovlar qilish imkoniyati ishga tushadi. To'lovlardan esa keshbeklar yig'ish mumkin. Keyinchalik mobil operatorlik ham ishga tushadi. Biz ulardan SIM karta olishimiz va foydalanishimiz mumkin bo'ladi. VISA Bank kartasini ham olishimiz mumkinligi haqida ma'lumotlar bor va unda o'tkazmalar komissiyasiz bo'lishi kutilmoqda. Mobil operator ishga tushishi va bank kartalari sotuv nuqtalari ochilishi 18 - avgustga va'da qilingan.
---
## Keshbek bonus
Men aynan shu keshbek bonuslarga e'tiboringizni qaratmoqchiman. Bepul telegram, cheksiz aloqa kabi xizmatlar ba'ri shu bonuslar evaziga olinadi. Ya'ni 75 000 so'm, siz tasavvur qilgan summa emas. Oddiy to'lovlar yordamida 75000 so'm yi'g'ish uchun siz 7 500 000 so'm xarajat qilishingiz kerak. Chunki keshbek to'lov 5000 so'mga yetganda ( yoki undan oshganda ) 1 foizni tashkil etadi. Biroz qiyinroq sxema, barchasini ishga tushganda tekshirib ko'rishimiz mumkin. Lekin hozircha bonus haqida gap ketganda uni yoniga 2 ta nol qo'shsangiz, bonusni yi'g'ish summasini aniqlab olasiz.
18 - avgustgacha esa do'stlaringiz pul o'tkazish orqali bonusni ko'paytirishingiz mumkin. Lekin bu yerda muhim ma'lumot bor. Bonus yig'ish uchun sizda smartfon, nomer va karta bo'lishi kerak. Ma'lumot uchun menga telegram orqali yozishingiz mumkin.
---
## Virtual operator
Virtual operator ( MVNO ) haqida internetdan ma'lumot izlashni tavsiya qilaman. Agar qisqacha ma'lumot beradigan bo'lsam, bu operator boshqa bir operator stansiyalaridan foydalangan holda o'z xizmatlarini taqdim etadi. Bu O'zbekistonda birinchi bor, lekin Rossiyada bu ancha ommalashgan. Misol: Yota, Tinkoff Mobile, Atlas. Aytgancha Humans asoschisi Vladimir Dobrinin aynan Yota'da 2016 - 2019 yillar oralig'ida gen. direktor bo'lgan.
---
Umuman bu proyekt menda qiziqish uyg'ota oldi. Nima bo'lgan taqdirda ham raqobat bu yaxshi va men bu operatordan shaxsiy unikal tarif imkoniyatini kutaman.