ИШҚИМИЗ ЮРАККА МУҲРЛАГАНМАН
Рухсоринг кўрмоқлик ошиққа тилак,
Кундузим тун мисол ўтмоқда демак.
Рашкингда девона ким мендан бўлак,
Ишқимиз юракка муҳрлаганман.
Ифоринг таратиб гулдай исларинг,
Соғинчдан қаритиб мени ҳисларинг.
Райҳонлар экайин босган изларинг,
Ишқимиз юракка муҳрлаганман.
Кўрмоқлик азобми ёрнинг тимсоли,
Мен сени соғиндим Мажнун мисоли.
Кимларга хавасдир севги висоли,
Ишқимиз юракка мухрлаганман.
© Шерзод БУРХОН
