Mandat bugun chiqarmish...
Oh, qanchalar mamnunman,
Go‘yo oshiq Majnunman,
Goh masrur, goh dilxunman,
Bugun mandat chiqarmish...
Necha yil mehnat qildim,
Faqat o‘qishni bildim,
Nihoyat, shodon kuldim:
Bugun mandat chiqarmish...
Nimadir o‘zi mandat,
Mandat - bu sabr, toqat,
Mandatni kutish odat,
Bugun mandat chiqarmish...
Kimdir bunda kuladi,
Kimdir g‘amga to‘ladi,
Nima bo‘lsa, bo‘ladi,
Bugun mandat chiqarmish...
Biz qilamiz ziyofat,
Bugun qo‘ylarga ofat,
Yaxshilik bo‘lsin faqat,
Bugun mandat chiqarmish...
Muallif: Nargiza Erkaboyeva
t.me/nargizaerkaboyeva
