Ali AVFO Xujandiy
#1
Элёр Жӯраев (Панжакентий) - 1994 йил, 3 июнда ,Тожикистоннинг Панжакент ноҳиясидаги, Хавзак кишлоғида дурадгор оиласида таваллуд топган.

2010-2011 ўқув йилида қишлоғидаги 9-йиллик асосий мактабни,
2011-2012- ўқув йилида эса қўшни қишлоғидаги 11-йиллик ӯрта мактабни аъло баҳоларга битирди. Мактабда бир қанча фахрли ёрлиқларга сазовар бӯлиб, "Президент олий ӯқув юртига'' йулланма олди.

Элёр 3-4 синфларида ўқиб юрганидаёк ӯзбек-тожик адабиётига қизиқар ва устоз шоирларнинг шеърларини севар эди.Мана шу қизиқиш сабаб ижодга бўлган ҳавас унда жуда эрта уйғонди.

Элёр ёшлигиданоқ шеърлар ёзишни бошлади.
2014-йилда илк бора "Дадамни кӯрмадингизми?", ''Жаннатимсиз онажон'', ''Мусофирлик жонга тегди'', ''Россияга кетган аёллар''-каби, шеърлари "Маънавият" ва "Турон"газеталарида чоп этилди.

Ундан сӯнг 2015-йили "Ғариблик" номли илк шеърий тӯплам китоби нашрдан чиқди. 2016 -йил "Ватан мадҳи" номли шеъри "Фарвардин"газетасида чоп этилди.2017 йилда эса атоқли шоир Муҳаммад Юсуф фонди раиси Назира Ас-салом томонидан 3-даражали имтиёзли диплом билан тақдирланди. Ҳозирги кунда унинг ёзган нафис шеърлари , Тожикистону - Ўзбекистон хонандалари томонидан ижро этилмоқда.

Ёш, серқиррали моҳир қаламкаш шоир -- Элёр Жўраев ижодий йўлида, ўзининг турфа хил ҳаётий ашъорлари билан бирга ёзишни бошлаган ғазаллари, жаҳонга донг таратган ҳамшаҳарлари устод Рўдакий-у , Лоиқлар изидан бораётганининг гувоҳи бўлдим.
Унинг ҳаракатларидан ва тинимсиз изланишларидан кўринади-ки, шеъриятга бўлган иштиёқи тобора ортиб бормоқда.
Шеърларининг аксарияти ҳозирги замонамизда рўй бераётган долзарб мавзулар асосида ёзилган . Шу жумладан қадр, меҳр-муҳаббат ва инсонлар ўртасидаги оқибатнинг йўқолиб бораётганлигини акс этиб, уларни самимийлик ва эзгулик сари чорлаб, шеърларида инсон бовар қилмайдиган гўзал ташбиҳлар қўллаб , кишини афсонавий яхши ҳислатларга етаклайди.
Элёр айни дамда қўшни Ўзбекистон ижодкорлари билан яқин ҳамкорликни йўлга қўйган ҳамда иккинчи китобини нашрдан чиқаришни мўлжалга олган.
Biriktirilgan fayllar [1]:
 img_20180626_132934.jpg (81.23 KB) (125 ↴)
Ali AVFO Xujandiy
#2
Ўлиб қолай!
Қучоғингизда --
Севмасликка йўқдир имконим.
Қизғонаман, шамоллардан ҳам,
Ўзингизсиз кўнгил маконим.

Ўлиб қолай!
Ўчоғингизда--
Ёнганимда ўтлар уялсин.
Гапим битта, тортинмасидан,
Ишончингиз менга суялсин.

Ўлиб қолай!
Яноғингизда --
Ўпинчингиз домига тушиб.
Ёш жонимни қурбон этсам ҳам,
Нега бунча тўймайсиз уршиб.

Ўлиб қолай!
Дудоғингизда --
Юзларингиз момиқ ,кулчатой.
Ўтинаман, сабрим синаманг,
Бир эркалай,
''-Хўп''-ми эркатой.

Ўлиб қолай!
Қароғингизда --
Кипригингиз сояси бўлиб.
Жойлашаман , улкан тоғдайин,
Нигоҳингиз қояси бўлиб.

Ўлиб қолай!
Адоғингизда --
Кўксингизга бошимни қўйиб.


Элёр Жўраев
(Панжакентий)
12/05/2018
5 soat 54 daqiqa 44 soniyadan keyin yozdi:
Ҳали шошмай туринг!
Менинг ишқимда,
Олов ҳайрон қолар -- ёнганингиздан...
Роса уялади -- ўз юрагингиз,
Билиб, билмай севиб қолганингиздан.

Ҳали шошмай туринг!
Менинг рашкимда,
Йўлингизни тўсиб -- қийнар гумонлар.
Керак бўлиб қолган пайтим излайсиз --
Чор томонга алдар -- шунда сарсонлар.

Ҳали шошмай туринг!
Менинг чашмимда,
Кипригим шифтини айвон қилгайсиз .
Бунча питирламанг!
Қўлда балиқчам --
Дидим эшигини очсам билгайсиз .

Ҳали шошмай туринг!
Менинг ашкимда,
Хоҳишингиз ила булут бўлгайсиз.
Суратимни қучиб -- тўймасингиздан,
Кўнглингиз тўрига илиб қўйгайсиз.

Ҳали шошмай туринг!
Менинг кўксимда,
Сарғайган ўтмишим рангин топгайсиз.
Ҳолларим қулайди вужудингизга,
Афсус, кеч бўлганда ҳижрон тотгайсиз.

Ҳали шошмай туринг!..

Элёр Жўраев
(Панжакентий)
08/05/2018йил
ElCapitano
#3
Sheingiz yomon emas, biroq ba'zi joylari bachkanaroq.
Ali AVFO Xujandiy
#4
ElCapitano, She’r muallifi siz-u mendan ko‘p dars olgan bu borada. She’riyat cheksiz koinot. Siz aytayotgan bachkanaroq narsa she’riyatda tashbex deb ataladi. She’r his-hayajon bilan ifodalangani uchun ham she’r.
5 daqiqa 16 soniyadan keyin yozdi:
Keyin, shoir bir hillikdan qochgan holda murakkabroq iboralar qo‘llagan. Shunchaki ko‘z yugurtirib o‘qiganda sezmaysiz, ammo e’tibor bilan o‘qib ko‘rsangiz ma’nosini tushuna olasiz.
Ali AVFO Xujandiy
#5
Elyor Jo‘rayevning Ey Jon she’rlari Elyor To‘ychiyev tomonidan kuylangan. Eshitganlar bordir, eshitmaganlar uchun eshitib ko‘rishni maslahat beraman.

Elyor To‘ychiyev - Man
Fruden
#6
1994-Yil hali yosh ekanlar, omad
Ali AVFO Xujandiy
#7
СЕНИ СЕВМАСЛИКНИНГ ҲЕЧ ИЛОЖИ ЙЎҚ

Кўзинг вулқон жоним!
Меҳр бўрони,
Ҳисларинг шамолдир -- жоннинг борони,
Ҳалқумга ошиққан кўнгил нолони,
Сени севмасликнинг ҳеч иложи йўқ.

Ўчакишиб бўлмас -- қайсар дил билан,
Ҳажрингда ҳайронман --забун тил билан,
Рашкларим ҳамнафас -- асли Нил билан,
Сени севмасликнинг ҳеч иложи йўқ.

Ҳар бир йўлим тўсиб -- тўғаноқ армон,
Нетай, кўриб туриб -- кўрганим ёлғон,
Термулсам нигоҳим -- кўчиб ҳам сарсон,
Сени севмасликнинг ҳеч иложи йўқ.

Теграмда айланган ишончлар ҳалак,
Ўзи битта дунё -- "митти"-ча юрак,
Унга ўзинг керак, сенга мен керак,
Сени севмасликнинг ҳеч иложи йўқ,

Жуда ғалати-да!
Мундоқ олганда,
Ғулғула қалбимга қўлин солганда,
Вафодорлар ич-ра , ўзинг қолганда --
Сени севмасликнинг ҳеч иложи йўқ.

Момиқ юзларингни сийпаб тўймайман,
Қадамингни пойлаб -- ёлғиз қўймайман,
Ухлаганингда ёр -- сочинг ўйнайман,
Сени севмасликнинг ҳеч иложи йўқ.

Қовоқ осилади -- дорга бир зумда,
Илон бўлиб олар -- қўлларим тунда,
Қўрқаман азизам -- пайпаслаб шунда,
Сени севмасликнинг ҳеч иложи йўқ.

Демагил!
"-Ўзгадан қаерим ортиқ?"
Ўзганинг севгиси -- дош бермас тиртиқ,
Сўнгги онимга-ча -- вужудим тортиқ,
Сени севмасликнинг ҳеч иложи йўқ


Элёр Жўраев
(Панжакентий)
11 04 2018
ElCapitano
#8
Hujandiy, # Hujandiy (27.06.2018 / 18:30)
СЕНИ СЕВМАСЛИКНИНГ ҲЕЧ ИЛОЖИ ЙЎҚ

Кўзинг вулқон жоним!
Меҳр бўрони,
Ҳисларинг шамолдир -- жоннинг борони,
Ҳалқумга ошиққан кўнгил нолони,
Сени севмасликнинг ҳеч иложи йўқ.

Ўчакишиб бўлмас --
Yashang sho'ir...

Kunduzi: 6°C

29 Mar 2024 yil
Joylashuv aniqlanmadi