Tailandlik Jiravut Pongphan lotereyadan 42 million bat yutib olganidan so‘ng o‘z uyida o‘lik holda topildi, deb xabar beradi The Mirror.



Foto: The Mirror

Erkakning jasadi yonida xat bo‘lib, unda marhum o‘z joniga qasd qilgani uchun oila a’zolaridan kechirim so‘ragan.

Bunga qadar Pongphan qarindoshlari va do‘stlarini yutuqni nishonlash uchun uyiga taklif qilgan edi. Keying kuni u lotereya chiptasini yo‘qotib qo‘yganini payqadi. Chiptasiz pullarni olib bo‘lmasdi.

Qayd etilishicha, erkak chuqur depressiyaga tushib qolgan va hatto ishga ham bormay qo‘ygan.

Lotereya chiptasi qayerga yo‘qolgani haqida xabarda ma’lum qilinmagan.