UZFOR

Forum qoidalari

Umumiy qoidalar
1.1 Forumda tartib uchun Administrator va maxsus tayinlangan Moderatorlar javob beradi. Ular qoidalarga to'g'ri kelmaydigan har qanday xabar yoki mavzuni ogohlantirishsiz yopish, o'chirish, tahrirlash huquqiga egadir.

1.2 Qoidalarni bilmaslik sizni jazodan ozod qilmaydi, aksincha bu ham qoida buzarlik hisoblanadi.

1.3 Forumda umumiy til o'zbek tilidir. Faqat noilojiy vaziyatlardagina boshqa tildan foydalanishga vaqtincha ruhsat etiladi.

1.4 Forumdan ro'yhatdan o'tishingiz qoidalarga roziligingizni anglatadi.

1.5 Qoidalarda keltirilmagan boshqa vaziyatlar bo'yicha masalalarni Administrator hal qiladi.

1.6 Administrator, foydalanuvchi kiritgan ma'lumotlar uchun javobgar emas.

1.7 Administrator qoidalarga o'zgartirish kiritish va yangilarini qo'shish huquqiga ega.

1.8 Foydalanuvchi o'ziga qo'yilgan aybni boshqa birovga to'nkashga hojat yo'q. Har kim o'zi uchun javob beradi.

1.9 Foydalanuvchilar xabarlar, tangalar soni, mansabi yoki ro'yhatga olingan vaqtiga qarab emas balki boshqalarga yordamiga qarab baholanadi. Forumda foydalanuvchini katta-kichikligiga qaramasdan murojaat "siz" bilan bo'ladi.

1.10 Forumda firibgarlik bilan shug'ullanish ya'ni forum foydalanuvchilarni aldab, moddiy-ma'naviy zarar keltirish, eng katta qoidabuzarlik hisoblanadi. Bundaylarga forumda umuman o'rin yo'q.

1.11 Foydalanuvchi forumdagi dastxatida nostandart belgilardan foydalanish, reklama, so'kinish va shuningdek forumning boshqa qoidalarida ta'qiqlangan holatlar bo'lishi man etiladi.

Qarshilik
2.1 Agar foydalanuvchi qoidalarga qarshilik qilsa, uni profili ma'lum muddatga bloklanadi yoki umuman o'chirib tashlanadi.

2.2 Arzlarni faqat ma'muriyat a'zolari ko'rib chiqib, qaror qabul qiladi va qaror sabablarini yashirish huquqiga ega.

2.3 Foydalanuvchi ban olgan paytda boshqa profilidan xabar qoldirsa ban muddati uzaytiriladi va boshqa profillari o'chiriladi.

2.4 Agar foydalanuvchi profilini butunlay o'chirilishini hohlasa, bu haqida administratorga shaxsiy xabar yo'llashi lozim. Ma'lum muddat ichida talabingiz qondiriladi.

2.5 Qaysi moderatorni nohaq deb hisoblasangiz, bu haqida batafsil administratorga shaxsiy xabar orqali arz qilishingiz mumkin.

Ro'yhatdan o'tish
3.1 Har bir foydalanuvchi faqat bitta profil ochishi mumkin. Boshqa profillar ogohlantirishsiz o'chiriladi.

3.2 Boshqa foydalanuvchilarni taxallusini nusxalashtirish (klonlashtirish) ta'qiqlanadi.

3.3 Tahallus tarkibida haqoratli so'zlar, sayt nomlarini ishlatish taqiqlanadi.

3.4 Tahallus tarkibida maxsus belgilardan foydalanish ta'qiqlanadi.

3.5 Profilni birovga berish yoki sotish ta'qiqlanadi.

3.6 1) Agarda siz forum qoidalarini ko'p marotaba buzgan bo'lsangiz yoki ko'p profilga ega bo'lsangiz sizni profilingiz o'chiriladi, lekin qoldirgan xabar va mavzularingiz o'chirilmaydi. 2) Agarda siz o'z hohishingiz bilan profilingizni o'chirilishini so'rasangiz unda quyidagicha yo'l tutiladi: profilingiz o'chirilmaydi, lekin deaktivlashtiriladi. Qoldirgan xabar va mavzularingiz o'chirilmaydi. 3) Agarda siz o'z hohishingiz bilan profilingizni deaktivatsiya qilinishini so'rasangiz unda talabingiz qondiriladi. Profilingizni yana aktivlashtirish ma'muriyat tomonidan deaktivatsiya sabablarini ko'rib chiqqan holda amalga oshadi.

Mavzu ochish
4.1 Bir xil o'xshash mavzular ochish ta'qiqlanadi. Agarda shunday mavzu bor bo'lsa (agar yopilgan bo'lsa moderatorlarga murojaat qiling) o'sha mavzuda suhbatni davom ettiring.

4.2 Bir vaqtning o'zida podforumlarda bir xil mavzular yaratish ta'qiqlanadi.

4.3 Ma'muriyat tomonidan yopilgan mavzularni davom ettirish ta'qiqlanadi.

4.4 Mavzu nomi uni tarkibini (qisman bo'lsada) aks ettirishi lozim. "Yordam kerak", "Muammo bor" kabi ko'rinishdagi mavzular ogohlantirishsiz o'chiriladi yoki o'zgartiriladi.

4.5 Forumda ma'lum bir foydalanuvchiga qaratilgan mavzu ochish ta'qiqlanadi. Bunday vaziyatlarda shaxsiy xabarlardan foydalanishingiz mumkin.

4.6 Mavzularni nomlashda faqat katta harflardan (bunga ehtiyoj bo'lmasa ham) foydalanish va har xil belgilar bilan bezak berish ta'qiqlanadi.

4.7 Millatchilik, davlat siyosatiga aralashish, diniy mavzulardagi mavzular qat'iyan ta'qiqlanadi.

4.8 Ba'zi podforumlarda shu bo'lim uchun qo'shimcha qoidalar mavjud, ular bilan tanishib chiqib amal qilishingiz lozim.

Xabar qoldirish
5.1 Mavzularda "tepadagi postga qarab yuboringlar", "hech kim bilmaydimi" kabi takroriy xabarlar qoldirish ta'qiqlanadi.

5.2 Belgilangan mavzudan chetlashish, mavzuga aloqador bo'lmagan xabar qoldirish ta'qiqlanadi.

5.3 Shaxsiy adovat sababli qo'pol ohangda (tekkizib) gapirish, masxaralash qat'iyan ta'qiqlanadi. UZFOR.UZ foydalanuvchilari bir-birini haqorat qilishga haqqi yo'q!

5.4 To'g'ridan to'g'ri ssilka(manzil) o'rnatib, ruhsat etilmagan joylarda saytga taklif qilish ta'qiqlanadi. Shu jumladan referal ssilka qo'yish ham ta'qiqlanadi. Reklama uchun alohida bo'limimiz mavjud.

5.5 Senzuraga to'g'ri kelmaydigan so'zlardan foydalanib xabar qoldirish qat'iyan ta'qiqlanadi.

5.6 Xabar matni noto'g'ri, yolg'on ma'lumotlardan iborat bo'lmasligi shart.

5.7 Xabar matnini quyidagi yo'llar bilan bezatish taqiqlanadi: 1) haddan ortiq smayllar 2) jalb qiluvchi("Diqqat", "Do'stlar" va hokazo) so'zlar 3) grammatik xatolar 4) har-xil rang berish, shriftlarni o'zgartirish.

5.8 O'zbekiston Respublikasi qonunlarini yoki forum qoidalarini buzishga undovchi xabarlar qoldirish qat'iyan ta'qiqlanadi.

5.9 Zo'ravonlik, fashizm, terrorizm, irqchilik, millatchilik, din va boshqa O'zbekiston Respublikasi qonunlarida ta'qiqlangan holatlarni targ'ib qilish qat'iyan ta'qiqlanadi.

5.10 Buzg'unchi dasturlar ya'ni virus, spamer, shell kabi dasturlarni forumga yuklash yoki yuklash uchun ssilka qo'yish ta'qiqlanadi.

5.11 Mualliflik huquqiga ega bo'lgan maqola, dastur va hokazolarni muallif ruhsatisiz tarqatish, so'rash ta'qiqlanadi.

5.12 Ma'muriyat ishlarini ochiqdan ochiq tahlil qilish ta'qiqlanadi. Savollar, muammolar kelib chiqqan holda shaxsiy xabar orqali ma'muriyat bilan bog'lanishingiz mumkin.

5.13 Pul vositalari yoki forum tangasini o'zingiz yoki biron kim uchun qarzga so'rash ta'qiqlanadi.

5.14 Spam, hisoblagichlarni su'niy oshirish, buzg'unchilik xizmatlarini taklif qilish yoki sotish ta'qiqlanadi.

5.15 Ruhsatsiz moderatorlik bilan shug'ullanish, boshqa foydalanuvchilarga tanbeh berish ta'qiqlanadi. Qoidabuzarlik haqida xabar berish uchun "Arz" ssilkasini bosishingiz kerak.

5.16 Iltimos, o'zbek tili grammatikasini buzmagan holda xatosiz yozishga harakat qiling. Bu sizni bilim saviyangizni bildirib turadi. Harflarni turli belgilar bilan qisqartirib yozish (ch-4, o'-6, sh-w) taqiqlanadi. Adabiychaga yaqin bo'lgan shevalarda yozishga qisman ruhsat etiladi.

5.17 Har qanday holatda reytingni oshirishni so'rash ta'qiqlandi. Agar siz bunga loyiq bo'lsangiz foydalanuvchilar o'zi reytingingizni oshirishadi!

5.18 Ba'zi podforumlarda shu podforumga tegishli qo'shimcha qoidalar mavjud. Xabar qoldirishda shu qoidalarga amal qilinishi shart.

5.19 Boshqa saytlardan forumga yoki aksincha ma'lumot ko'chirganda o'sha saytning manzili (manba) ko'rsatilishi shart. Manba ko'rsatishdan oldin, ma'lumot haqiqatdan ham shu saytga tegishli ekanligini tekshirib ko'ring. "Qaroqchi" saytlarga qo'yilgan manba haqiqiy hisoblanmaydi. UZFOR.UZ - mualliflik huquqini hurmat qiladi!

5.20 Sizdan oldin yozilgan xabar(post)ni zarurat bo'lmasada to'liqligicha iqtibos qilish ya'ni katta hajmli postlarni sitata qilish (overquoting) ta'qiqlanadi.

Tavsiyalar
6.1 Suhbatdoshingizga hurmat bilan munosabatda bo'ling, fikrlaringizni tushunarli va aniq faktlar yordamida bayon eting. Unutmang, to'g'ri savol - yarim javobdir!

6.2 O'zingizni haqorat qilindi deb hisoblasangiz ham unga haqorat bilan javob qaytarmang. Bu haqiqiy mardning ishidir! Biroz kuting yoki ma'muriyat a'zolariga shaxsiy xabar orqali xabar bering. Qolganini ma'muriyat a'zolari hal qilishadi!

6.3 Agar qoidabuzarlikni ko'rsangiz, bu haqida forumga jar solishni keragi yo'q. "Arz" tugmasini bosing va sababini yozib qoldiring, ma'muriyat a'zolari ko'rib chiqib chora ko'rishadi.

6.4 Savol berish yoki mavzu ochishdan oldin, forumdan izlab ko'ring, balki sizni qiziqtirayotgan narsa allaqachon bor bo'lishi mumkin.