Ayni vaqtlarda kam-kam yangiliklar qilyapman. Ora-orada yozib turyapman, esdan chiqib ketmasligi uchun.
419 kun 20 soat 22 daqiqa 19 soniyadan keyin yozdi:
Bemor bo‘lsang hech bo‘lmasa
qo‘llaringdan tutolmayman,
Sog‘inganda sog‘indim deb
ko‘zlaringga aytolmayman.
Ko‘rgim kelsa kelsin lekin
ko‘rgani men borolmayman,
Dardga to‘la ko‘zlaringni
yoshlarini artolmayman.

© Sherzod Burxon

Sherlar daxshat! Gap yoq , mavzudagi xamma sherlarizni o'qib chqdim, forumda xam talantlilar bor ekan. Shu zaylda davom eting , omad!

Hujandiy, Hozirda ham she'rlar yozmoqdasizmi?

AbdusattarovZ, Oldingidek emas, judayam kam.

Қўрқув

Нафасим қисади, қўрқиб кетяпман,
Кўзёшим наҳотки қилмоқда исён.
Сизиб оқаётган ёш ажин билан,
Лабларим оралаб намлайман забон.

Қуйилиб келади кўзда ёшлар ҳам,
Кўз остим тобора аста қорайиб.
Даҳшатга тушаман, бағритошлар ҳам,
Менга ачинади кўнгли торайиб.

Қўлларим қалтираб, қолмади мажол,
Умримнинг поёни етди эҳтимол.
Ҳаяллаб... келақолмади ажал,
Вақтида келмайди, кутганда мисол.

Ҳали улгурмадим, кўп режаларим,
Шеърларим битмаган чала ҳаммаси.
Кириб кўролмаган кўп кўчаларим,
Чорласа, боролмам энди чамаси.

©️ Шерзод Бурҳонов

Ўтинч

Аламлардан ёниб кетган қалбни ўясан,
Мудраб ётган соғинч дардни чимчиб қўясан.
Изим ўчса ҳаётингдан, хурсандман-у,
Фарзандингга нега менинг исмим қўясан?

Раво кўрмам, кўролмайман фарёдларинг,
Чақирганда исмин айтиб, тағин куйма.
Ҳаётингда кўп бўлмасин Шерзодларинг,
Фарзандингга асло менинг исмим қўйма.

© Шерзод Бурҳон
20.11.20 1:21

Севаман де

Севаман де –
Жўш урсин юрак,
Бўғзимдан отилсин нафасларим ҳам.
Лабинг устидаги дона ҳол керак,
*Кўришга имкон бер, кўзларимга ҳам...

Севаман де –
Ҳайратдан қотиб,
Кўзларинг домига кетаман оқиб.
Сузишни билмайман, аммо арзийди,
Ўлиб кетсам агар мен сенга ёқиб...

Севаман де –
қошларинг чимир,
Санчиб олгин киприкларингни.
Абжир кўнгил бўлсада қитмир,
Бузиб ўтмас кўприкларингни!

Севаман де –
Аста пичирла,
Дунёларга айтишинг шартмас.
Аммо ўзим сезсам кифоя,
Севдим десам, мен ҳам десанг бас.

Севаман де –
Соатлар тўхтаб.
Сониялар асрдек ўтсин.
Сабрсиз дил ҳижронни юклаб,
Соғинганда бир келиб кетсин.

Севаман де –
Севаманку де,
Қора денгиз кетсин оқариб.
Уялма сен кетмагин қочиб,
Соғинган кўнгил ҳам кетсин ёшариб.

Севаман де –
Йиғини бас қил,
Кўзларимдан қалқиб чиқсин қон.
Жар солмагин, майли шивирла,
Қулоқ тутай, бўлса ҳам ёлғон...

Севаман де –
Ортидан хайр,
Ҳотиралар қолсин абадий,
Сени ортиқ кўрмаслик оғир,
Сенсиз куним ўтар асабий.

Севаман де –
Ҳеч бўлмаганда,
Ҳаддим сиғди шеърда сен демоқ.
Мен кулмадим, сен кулмаганда!
Сенсиз яшаш....ақлдан озмоқ.
Ҳеч бўлмаса ҳаддим сиғади...
Соғинчлардан маржон ясамоқ...

*Карантин пайтлар эди. Мен тасвирлаган қиз ниқобда эди 😅

© Шерзод Бурҳон
2 daqiqa 42 soniyadan keyin yozdi:
Севаман де,
Севаман-ку де,
Соғинган кўнглимни кетсин ар(и)тиб.
Минг йилга узайса хижроннинг умри,
Висолнинг умрини кетсин қаритиб!

Севаман де!
Яна бир қайтар,
Эшитмасам ич-этим ейман.
Бомдоддан то хуфтонга қадар,
Фақат сени эшитсам дейман.

Севаман де,
Соғинчни қувиб,
Улар мени жуда қаритди.
Аҳир…
Одам ёлғиз-ку дея,
Аллоҳ Момоҳаво яратди.

© Шерзод Бурҳонов

Assalomu alaykum! She'riyat olamida bo'lsangiz, shu yerga yozib tursangiz). Oldinlari miriqib mutolaa qilardim. Eski forum muslisiz)))

Чалғитмоқчи бўласиз, нега?
Саволларим мудом жавобсиз.
Бир оғиз сўз демоқлик сизга,
– Малол келмас, балки соқовсиз?

©️ Шерзод Бурҳон

AbdusattarovZ, Voalaykum assalom. Deyarli she’riyatdan chiqib ketdim desam ham boʻladi ))

#sheʻriyat

Ertam qolib bugunimni quvar boʻlsam,
Fursat yetib koʻzlarimni yumar boʻlsam.
Nima deyman Allohimga, bersa savol,
Oq libosim kiyar boʻlsam - bugun oʻlsam.

Vaqtichogʻlik, kayf-u safo – zoʻr aslida,
Davlatim bor, joyim uyning toʻrisida.
Nima deyman Allohimga, besh vaqt namoz,
Qazo boʻlgan kun va tunning orasida.

Orttirganim: boʻlsa, ana, uch-toʻrt tanga,
Oʻynab–kulib, vaqt topmadim volidamga,
Nima deyman Allohimga, duo olmay,
Yedirganman, onam kabi – oʻz bolamga.

Ilmim yoʻqdir - olgan boʻlsam hamki ta’lim,
Tilda garchi shahodatim - yoʻq amalim.
Nima deyman Allohimga, soʻroqlasa,
Navbat yetib, ohiratda kelsa galim.

“Bismilloh”siz boshlanibdi har bir ishim,
Gʻaflat bosib peshingacha koʻrdim tushim.
Nima deyman Allohimga, dayus boʻlib,
Halolimga lozim emas, kiydirsam shim.

Nima deyman: ogʻzim shaloq, so`zim qusur,
Harom luqmam tomogʻimga bersa huzur.
Nima deyman Allohimga, kechirarmi,
Bilib qilgan gunohimga desam uzr?!

(Yoʻlim tamom. Tilim yomon salovatga,
Eslolmayman qachon yetdim halovatga.
Nima deyman Allohimga, qilmay ehson,
Mol-mulkimni berib qoʻymay talofatga.)

©️ Sherzod Burhonov

Ali AVFO Xujandiy, Tushunarli